ආසියාව හොල්ලන ක්‍රිකට්‌ සටන ඇරඹෙයි
ශ්රී ලංකාව, ඉන්දියාව, පාකිස්තානය සහ බංග්ලාදේශය තරගවඳින ආසියානු කුසලාන කි‍්‍රකට් තරගාවලිය අද (11) මීර්පූර් හි ෂීර් බංග්ලා ජාතික කී‍්‍රඩාංගනයේදී ආරම්භ වේ. ශ්රී ලංකාව, ඉන්දියාව, පාකිස්තානය සහ බංග්ලාදේශය මෙහිදී මූලික වටයේ තරග 06 කට සහභාගී වන අතර, අවසන් මහා තරගය මාර්තු 22 වැනිදා පැවැත්වෙනු ඇති. ඉන්දු – ශී‍්‍ර ලංකා ආසියානු කුසලාන කි‍්‍රකට් තරගය 13 වැනිදා පැවැත්වෙන අතර, ශී‍්‍ර ලංකාව නැවතත් මාර්තු 15 වැනිදා පාකිස්තානය සමග තරග වැදීමට නියමිතයි.
මෙවර
ආසියානු කුසලාන සඳහා තරග වදින කණ්‌ඩායම් හතර අතරින් වෙහෙසකර
කණ්‌ඩායම බවට ශ්රී ලංකාව පත්ව ඇත. ශ්රී ලංකාව මෙම වසරේ එක්‌දින තරග
16 කට සහභාගි වී ජයග්‍රහණය 7 ක්‌, පරාජයන් 8 ක්‌ සහ විසඳුමකින් තොරව
එක්‌ තරගයක්‌ ලෙස අවසන් කර ගෙන තිබේ. එහෙත් සත්කාර බංග්ලාදේශය මෙම
වසරේ සහභාගි වන පළමු ජාත්‍යන්තර තරගාවලිය මෙය වෙයි. ඉන්දියානු
කණ්‌ඩායම මෙම වසරේ එක්‌දින තරග 8 කට සහභාගි වී ජයග්‍රහණ 3 ක්‌ සහ
පරාජයන් 4 ක්‌ ලබා ඇති අතර එක්‌ තරගයක්‌ විසඳුමකින් තොරව අවසන් කර
ගෙන ඇත. පාකිස්‌තාන් කණ්‌ඩායම මෙම වසරේදී තරග පහකට සහභාගි වී එක්‌
ජයග්‍රහණයක්‌ සහ පරාජයන් 4 ක්‌ ලබා ඇත. අදාළ දත්ත අනුව ශ්රී ලංකාව,
ඉන්දියාව සහ පාකිස්තානය මෙම වසරේ ජයග්‍රහණ අභිබවා පරාජයන් ලබා ඇත.
එබැවින් ආසියානු ශූරයෝ කවුරුන්ද යන්න අනාවැකි පළ කිරීම අසීරු
කරුණක්‌ වී තිබේ.
ආසියානු
කුසලාන ඉතිහාසය අනුව වැඩිම වරක්‌ ආසියානු ශූරතාව දිනා ඇත්තේ
ඉන්දියාව විසිනි. ඔවුන් පස්‌ වරක්‌ ආසියානු ශූරතාව දිනා ඇති අතර එහි
දෙවැනි ස්‌ථානයට පත්ව ඇති ශ්රී ලංකාව සිව් වතාවක්‌ ශූරතාව දිනා ඇත.
ප්‍රබල කණ්‌ඩායමක්‌ වන පාකිස්තානය එක්‌ වරක්‌ පමණක්‌ ආසියානු කුසලාන
දිනා තිබේ.
ශ්රී ලංකා කණ්‌ඩායම මහේල ජයවර්ධනගේ නායකත්වයත් සමග සාර්ථකත්වයට පැමිණෙමින් සිටීම මෙවර ආසියානු කුසලාන ජය ගැනීම සඳහා ශ්රී ලංකාවට වැඩි අවස්‌ථාවක්‌ නිර්මාණය වී තිබේ. එහෙත් තරුණ ක්‍රීඩකයන් බහුතරයකගෙන් සමන්විත ඉන්දියාව සහ පාකිස්තානය ශ්රී ලංකාවේ ප්‍රබල ප්‍රතිවාදීන් වේ. සත්කාර බංග්ලාදේශ කණ්‌ඩායමද ප්‍රබල නැගී එන කණ්‌ඩායමක්‌ ලෙස වර්තමානයේ හඳුන්වනු ලබන අතර තරගාවලියේ ජයග්‍රහණය සඳහා කණ්‌ඩායම් හතරටම තියුණු සටනක නියෑලීමට සිදුවනු ඇත.
තරග කාල සටහන (සියලූම තරග දිවා රාත‍්‍රි තරග ලෙස පැවැත් වේ)
0 comments:
Post a Comment
Your comment will be visible after approval